Hezbollah thotë se ka lëshuar “dhjetëra raketa” drejt Izraelit verior të enjten në përgjigje të sulmeve izraelite që vranë dy mjekë ndihmës në Liban.
Grupi i mbështetur nga Irani, i cili ka një nga forcat paraushtarake më të fuqishme në Lindjen e Mesme, tha se sulmet e tij në qytetin izraelit Kiryat Shmona, pranë kufirit libanez, ishin gjithashtu në mbështetje të “popullit të palëkundur palestinez në Rripin e Gazës.”
Mbrojtja Civile Libaneze tha se dy nga anëtarët e saj u vranë në sulmin e mëparshëm ndaj një ambulance në Hanin, sipas agjencisë shtetërore të lajmeve të vendit NNA.
