Kryeministri Edi Rama gjatë një inteviste të dhënë ditën e sotme në News 24 ka zbuluar kujt i kërkon falje publike në dy mandate që po qeveris Shqipërinë.
Rama deklaroi se nga dy mandate në krye të qeverisë, u kërkon falje kuksianëve për taksën prej 5 eurosh të vendosur në fillim për Rrugën e Kombit.
Kjo taksë u pasua me protesta të dhunshme në rrugën e Kombit dhe bënë që qeveria të dorëzohet dhe të tërhiqej.
Pjesë nga intervista:
Pyetje: Kancelarja gjermane kërkoi ndjesë publike për një vendim jo popullor për mbylljen në prag të festës së pashkëve? Po ju, a ka diçka për të cilën kërkoni ndjesë?
Rama: Unë kam kërkuar ndjesë. Kam kërkuar ndjesë për rastin e Kukësit, sepse u ndërtua një strategji e gabuar. Pavarësisht se nuk isha unë që i kisha bërë llogaritë, kuptova që njerëzit kishin të drejtë dhe kërkova ndjesë. Ndjesa është pjesë e pandashme e një procesi udhëheqjeje kur lidershipi ka karakter.
