Policia e Kosovës dhe Prokuroria Speciale përmes një deklarate të përbashkët për media kanë bërë të ditura rezultatet e aksionit të sotëm në veri të vendit, ku kanë kryer kontrolle në shatë zona të ndryshme.
Nga kontrollet kanë gjetur armë, municion, mjete shpërthyese e pajisje të tjera ushtarake.
Zonat në të cilat janë bërë kontrollet kanë lidhje me sulmin e 24 shtatorit.
Në deklaratë bëhet e ditur se në një nga soliterët në Mitrovicën e Veriut janë gjetur një sasi municioni, kallashnikovë, zola dhe eksploziv.
Këto kontrolle janë bërë bashkë me EULEX-in dhe KFOR-in.
Lista e armëve dhe pajisjeve tjera të sekuestruara:
• 87 copë eksploziv të tipit TM 100
• 3 granata hedhës dore (zola)
• 1 armë automatike AK-47
• 1 minë kundër këmbësorisë e tipit MRUD
• 14 karikatorë
• Municion të kalibrave të ndryshëm
• 63 detonatorë elektrik
• 23 detonatorë mekanik
• 1 orë për aktivizim
• 1 granatë dore M79
• 3 tuba fitila ndezës
• Çanta, radiolidhje, antiplumba, pajisje medicionale, gyksore (jelek për bartje të karikatorëve), maskë kundër gazit, bateri etj.
