Grupet e tifozëve nga Kosova janë mbledhur sot në Prishtinë për të shprehur mbështetjen e tyre për çlirimtarët, në protestën e paralajmëruar nga tifozët kosovarë.
Të lidhura
None found
Tubimi ka nisur prapa Pallatit të Rinisë, ndërsa pjesëmarrës pritet të ketë edhe nga tifo-grupe të qyteteve të tjera të Kosovës.
Ndërkohë, në sheshin “Skënderbeu”, ku protestat po zhvillohen prej disa ditësh, është vërejtur shtim i pranisë së Policisë së Kosovës.
Forcat e rendit janë vendosur në terren dhe kanë ndërmarrë masa sigurie, mes tyre edhe vendosjen e barrierave metalike, për të garantuar mbarëvajtjen dhe sigurinë gjatë tubimit.
Protesta zhvillohet në shenjë solidariteti me ish-pjesëtarët e UÇK-së, të cilët po përballen me procese gjyqësore në Hagë.
