Fundjava ka sjellë një fluks mjaft të lartë lëvizjeje në Portin e Vlorës, ku rreth 8,000 pasagjerë dhe 2,300 automjete janë nisur drejt Italisë. Fluksi përbëhet kryesisht nga emigrantë shqiptarë që rikthehen në vendet e tyre të punës pas pushimeve, si dhe turistë italianë.
Për të përballuar ngarkesën dhe për të shmangur radhët e gjata, në linjën Vlorë-Brindisi operuan tre tragete.
Të lidhura
None found
Autoritetet kufitare rritën kapacitetet e përpunimit, duke vënë në punë 9 sportele në pistën e automjeteve dhe 5 të tjera brenda terminalit të pasagjerëve.
Falë marrjes së masave, procedurat e kontrollit të dokumentacionit u kryen pa vonesa dhe tragetet respektuan të gjitha oraret e përcaktuara. Policia Kufitare vijon të mbetet në gatishmëri, ndërsa aktiviteti në port pritet t’i rikthehet normalitetit duke filluar nga dita e hënë.
