Zbërthimi i aplikacionit të kriptuar SKY ECC ka çuar pas hekurave zyrtarë të lartë shtetërorë, drejtues policie, biznesmenë si dhe kriminelë.
Vetëm dy ditë më parë u lëshuan 11 urdhërarreste, ku u arrestuan 5 persona dhe 6 të tjerë në kërkim.
Mes të arrestuarve ishin ish-zv.Drejtori i Policisë së Tiranës, Erzen Breçani, shefi i komisariatit nr.6 Dedan Gjoni, një zyrtarë e policisë kufitare, si dhe Bujar Gërmizi.
AlbEu.com, ka arritur të sigurojë një pjesë të dosjes së zbardhur të SKY EC, ku shihen komunikimet e shefit të komisariatit nr.6, Dedan Gjoni, i cili ishte i përfshirë në fushatë elektorale, dhe kërkonte vota ër një kandidat gjatë zgjedhjeve të kaluara.
Dedan Gjoni flet me persona që jetojnë në Britaninë e Madhe dhe Spanjë ku ju këkrkon vota për Myslym Murrizin, i cili sapo ishte shkëputur nga Partia Demokratike e drejtuar nga Lulzim Basha, duke kandiduar nën një koalicion tjetër.
Në një bisedë të datës 5 mars 2021 oficeri i policise i kërkon një shtetetasi përdoruesi i SKY që ta ndihmojë për të siguruar vota për deputetin aso kohe Myslim Murrizi.
Dedan Gjoni shkruan se e ka mik dhe ka detyrime. Përdoruesi tjetër thotë se mund të sigurojë menjëhere 15 vota nga Valencia ku ai ndodhet. Por oficeri i policisë i kërkon që ai të angazhojë dhe të lajmëroi edhe njerëzit e tij në Shqipëri si nipërit e njerëz të afërm.
Dedan Gjoni komunikon me përdoruesin J… dhe kërkon të sigurojë vota për kandidatin Myslim Murrizi dhe subjektin zgjedhor ku ai është përfaqësues Partia Lëvizja Demokratike Shqiptare.
Shtetasi Dedan Gjoni zhvillon bisedat:
Dedan Gjoni –Si te kam.
J… Ca bëre shok….mir je…un mir qetësi pz…
Dedan Gjoni: -Shok do me ndihmosh me vota
J …hahaha.në kdo momente nuk e di me ko je pz…kam shum dyshime per ty…
Dedan Gjoni- Me Myslym Murrizin Shok sa te kem mundesi do e ndihmoj….
J… Më pëlqen…kam simpati…
Dedan Gjoni–Eshte i vetmi që kam mik e detyrim…Me ndihmon mua……A më ke shok…
J…Nja 15. ota ti jap nga valencia online…kto që kam me dokumenta..
Dedan Gjoni: Ore në Tiranë. Hahah. Jepi urdhër babes nipit fortë… Hahaha…
J- Aty do jem per vitime…
Dedan Gjoni: Ok shok… Mirardhsh…”
Të njëjtën bisedë Dedan Gjoni ka bërë dhe me Ismail Zenelin, në kërkim si i dyshuar i përfshirë në këtë grup kriminal.
Po ashtu i kërkon edhe përdoruesit Ismail Zeneli, në orën 19:41:17 që familjarët e tij dhe ai vetë të investohen për vota për subjektin që përfaqëson Myslim Murrizi. Ata shkëmbejnë mesazhet:
Dedan Gjoni: Sot isha me deputetin…Do na ndohmosh me vota… Me sa njerez ke….Se e kemi mik te mire…
Ismail Zeneli: Qa je ti?
Dedan Gjoni: Une demokrat jam….Por i duam per partine e myslimit…E kam sh mik Murrizin
Ismail Zeneli -audiofile “shko fol me ate byrazelin atje ne bathore e ti gjajne ai nja 200 vota se a demokrat me ate byrazelin tem me ate shoferin e kamioni. 200+-Fol ti me te.. Se myslimi eshte ndare nga pd….Por e djathte eshte…Fol nje here ti me te..
Ismail Zeneli: -Ok ok… Pa merak…”
Më 17 nëntor 2023 GJKKO firmosi 11 urdhërarreste nga të cilat 5 u ekzekutuan mbrëmjen e 20 nentorit, ndërsa 6 janë në kërkim. Dyshohet se 4 prej tyre ndodhen në Spanjë.
Në pranga nga operacioni i SPAK janë ish-zv.drejtorin e Policisë së Tiranës, Erzen Breçani dhe shefin e Krimeve në Komisariatin numër 6, Dedan Gjoni, ndërsa në kërkim janë Eralbi Breçani, djali i Erzen Breçanit, Ervin Mata, Ismail Zeneli, Bajram Grabova, Artan Sulejmani, Albert Prenga.
