Më 15 mars 2008 në Gërdec ndodhi shpërthimi i fuqishëm që mori jetën e 26 personave. Ditën e sotme, Gjykata e Apelit ka vendosur të rihapë dosjen “Gërdeci”.
SPAK ka kërkuar gjykimin e Fatmir Mediut shpërthimin e fuqishëm në Gërdec, Vlorë. Fatmir Mediu mbante postin e Ministrit të Mbrojtjes në kohën e tragjedisë dhe akuzohet për “shpërdorim detyre”.
Çeshtja po shqyrtohet nga gjyqtarja Saida Dollani dhe ishte ajo e fundit që vendosi pas kërkesës së SPAK, rihapjen e hetimit ndaj ish-ministrit të Mbrojtjes, Fatmir Mediu.
NJOFTIMI MBI DOSJEN:
Me referimin në parashikimin e pikës 1, shkronja b), të nenit 46, të ligjit 98/2016 “Për Organizimin e Pushtetit Gjyqësor në Republikën e Shqipërisë” si dhe, në interesin e treguar nga media, komunikohet në mënyrë të përmbledhur se, sot më datë 24.09.2021, në Gjykatën e Posaçme të Apelit për Korrupsionin dhe Krimin e Organizuar, mbi ankimin e Prokurorit të Posaçëm dhe të trashëgimtarëve të viktimës E.D., u zhvillua seanca gjyqësore në dhomë këshillimi, për çështjen penale nr. 212 akti, datë 03.09.2021 regjistrimi, ku Gjykata vendosi, të ndryshojë vendimin nr. 60, datë 27.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar, duke pranuar kërkesën e Prokurorit të Posaçëm dhe revokoi vendimin e pushimit nr. 6, datë 14.09.2009 të Kolegjit Penal të Gjykatës së Lartë, duke i kthyer aktet Prokurorit të Posaçëm për të proceduar”. /albeu.com/
