Presidenti rus, Vladimir Putin, bëri një vizitë “surprizë” në Mariupol të Ukrainës, një zonë e pushtuar nga forcat ruse që nga maji i vitit të kaluar.
Reuters shkruan se vizita e Putinit në Mariupol është udhëtimi i parë i liderit rus në territoret e pushtuara nga Rusia të rajonit të Donbasit të Ukrainës që nga fillimi i konfliktit.
Putin fluturoi për në Mariupol me helikopter dhe udhëtoi nëpër disa rrethe të qytetit, duke bërë ndalesa dhe duke biseduar me banorët, njoftoi agjencia TASS të dielën, duke cituar Kremlinin.
Para ndalesës në Mariupol, Putini kishte vizituar Krimenë , me rastin e nëntë vjetorit të aneksimit të gadishullit ukrainas në Rusi dhe vetëm dy ditë pasi Gjykata Ndërkombëtare Penale (IÇ) lëshoi një urdhër arresti ndaj tij.
Putini nuk ka komentuar ende publikisht mbi urdhërarrestin e IÇ-së, por udhëtimet e tij në territorin ukrainas të pretenduar nga Rusia u panë nga disa vëzhgues si një përgjigje ndaj urfhërarrestit.
Mariupoli u pushtua nga rusët maj të vitit të kaluar, duke shënuar fitoren e parë të madhe të Rusisë pasi nuk arriti të pushtonte Kievin dhe u përqendrua në Ukrainën juglindore.
Organizata për Siguri dhe Bashkëpunim dhe Evropë (OSBE) tha se bombardimi i një materniteti në Mariupol nga Rusia ishte një krim lufte ./albeu.com/
