Banorët e rrugës “5 Maji” në kryeqytet kanë dalë sërish në protestë ditën e sotme për mbrojtjen e shtëpive të tyre.
Qeveria ka lajmëruar shembjen e banesave të tyre në kuadër të procesit të rindërtimit pas tërmetit të 26 nëntorit 2019, gjë që ata e kundërshtojnë.
Duke bllokuar rrugën, banorët nuk lejojnë futjen e fadromave të IKMT-së në zonë.
Ata i kërkojnë autoriteteve që banesat e tyre të vlerësohen me çmimin e tregut dhe të kenë një kontratë të rregullt qiraje.
Banesat që duhet të shemben, ndodhen në hartën e projektit të Bashkisë së Tiranës si “zonë në zhvillim” dhe parashikohet ndërtimi i pallateve ku do të strehohen familjet që u është dëmtuar banesa nga tërmeti i vitit 2019./albeu.com/
