Database i të dhënave të qytetarëve në dorë të PS-së, Meta reagon ashpër: Kjo qeveri ka ikur nga mendja (VIDEO)

Presidenti Meta ka reaguar ditën e sotme nga Pogradeci për ngjarjen e fundit të lidhur me disponimin e të dhënave personale nga Partia Socialiste.

Meta i ka bërë kërkesë SPAK të nisë hetimet për këtë ngjarje, duke e cilësuar qeverinë si të ikur nga mendja.

Meta nga Pogradeci:

Jam sot këtu për të bërë publike kërkesën e presidentit të Republikës, drejtuar SPAK për të hetuar me shpejtësi ngjarjen më të fundit skandaloze, të keqpëdorimin dhe vjedhjet të të dhënave personale të të gjithë shqiptarëve nga PS.

Të dhëna këto që mbrohen me ligj, është një shkelje e papranueshme dhe e poshtër, për të vendosur bazën e të dhënave të qytetarëve, në dorë të një force të vetme politike që ka kapur shtetin. Ajo u bën presion qytetarëve, u përdor të dhënat, me qëllim frikësimin e tyre.

Koha kur qytetarët kishin frikë nga qeveria ka mbaruar që prej 2 Marsit. Kjo qeveri jo vetëm që ka ikur, por ka ikur dhe nga mendja, askush nuk mund të dhunojë të drejtat dhe liritë e shqiptarëve.


Shtuar 12.04.2021 13:10

Tags: ,