Një masë ajrore e nxehtë do të vijojë të mbizotërojë në Francë dhe Spanjë edhe në ditët në vazhdim, pa asnjë shenjë uljeje të temperaturave. Specialistët e motit në këto vende paralajmërojnë se kolonat e merkurit mund të arrijnë vlerën 42 gradë Celsius gjatë javës së ardhshme.
Të lidhura
None found
Mungesa e reshjeve në zonat më të goditura nga zjarret, përfshirë rajonet spanjolle Ávila dhe Madrid, si dhe Gironde në Francë, po shton frikën për një përhapje të mëtejshme të vatrave zjarrë. Parashikimet meteorologjike nuk ofrojnë shpresë për ndryshim të kësaj situate në të ardhmen e afërt.
Për ditën e dielë, rajoni i Madridit do të përjetojë një mot të kthjellët dhe me diell, me temperatura që do të luhaten rreth vlerës 31 gradë Celsius, njëlloj si një ditë më parë.
Ndërkohë, Agjencia Shtetërore Meteorologjike e Spanjës (AEMET) ka bërë të ditur se temperaturat do të pësojnë një ngritje graduale me kalimin e ditëve, duke kulmuar në 39 gradë Celsius ditën e mërkurë. Parashikohet gjithashtu që era të arrijë shpejtësi deri në 20 kilometra në orë, teksa gjasat për të parë shi mbeten zero të paktën deri të enjten, kur kjo mundësi është vetëm 5%.
