Forcat Ajrore greke janë përfshirë nga një ngjarje tragjike pas rrëzimit të një avioni luftarak F-4 Phantom në Tanagra, pasditen e sotme, teksa zhvillohej shfaqja ajrore “Athens Flying Week”.
Të lidhura
None found
Aksidenti u mori jetën dy pilotëve që ndodheshin në bord.
Të dy oficerët shërbenin në Krahun e 117-të të Luftëtarëve në Andravida. Të dhënat e para tregojnë se ekuipazhi nuk arriti të aktivizonte sistemet e nxjerrjes nga avioni përpara përplasjes.
Avioni dyvendësh u rrëzua rreth orës 15:00, gjatë pjesëmarrjes së tij në aktivitetin ajror të organizuar në Tanagra.
Pas rënies së avionit, në zonë shpërtheu një zjarr. Në vendin e ngjarjes u dërguan dy ambulanca dhe dy motorë të shërbimit të urgjencës EKAB.
Lajmi për aksidentin bëri që ministri grek i Mbrojtjes, Nikos Dendias, të ndërpresë angazhimin e tij në Panairin Ndërkombëtar të Selanikut dhe të udhëtojë drejt Athinës.
Autoritetet greke kanë nisur hetimet për përcaktimin e shkaqeve të rrëzimit.
Deri tani, nuk është konfirmuar nëse sistemi i nxjerrjes së ekuipazhit është vënë në funksion përpara përplasjes.
Ekspertët dhe ekipet përgjegjëse po punojnë në vendngjarje për sigurimin e provave dhe sqarimin e plotë të rrethanave të aksidentit.
