Një anëtar i ekuipazhit ka humbur jetën pasi Rusia goditi një anije tregtare me flamur të huaj, e cila ndodhej në portin ukrainas të Odesës, në Detin e Zi.
Të lidhura
None found
Guvernatori i rajonit të Odesës, Oleh Kiper, konfirmoi incidentin dhe deklaroi se në çastin e sulmit anija transportonte grurë.
Të dhënat e Administratës së Porteve Detare të Ukrainës bëjnë të ditur se anija “Mera Queen” ishte e regjistruar nën flamurin e Guinea-Bissau.
Goditja ndodhi ndërsa Rusia ka intensifikuar sulmet ndaj porteve ukrainase në Detin e Zi, duke vënë në shënjestër linjat tregtare dhe eksportet e Ukrainës. Autoritetet ukrainase thonë se gjatë muajve të fundit sulme të tilla janë kryer thuajse çdo ditë, çka ka shtuar shqetësimin për sigurinë e lundrimit dhe të eksporteve të drithërave nga vendi.
