Një temperaturë rekord prej 42.2 gradë Celsius u shënua të mërkurën në Sllovaki, në kulmin e valës së të nxehtit që ka përfshirë Evropën Qendrore, sipas shërbimit kombëtar meteorologjik.
Të lidhura
None found
Vlera më e lartë u mat në fshatin Dolné Plastince, në jug të vendit. Ajo tejkaloi rekordin e mëparshëm prej 41.4 gradë Celsius, i regjistruar vetëm një ditë më herët në jugperëndim të Sllovakisë, njoftoi Instituti Hidrometeorologjik Sllovak (SHMU).
Edhe Bratislava ka përjetuar këtë javë temperatura rekord për Sllovakinë. Në kryeqytet, Maros Danko, 38 vjeç, tregoi se po qëndronte në shtëpi më gjatë se zakonisht për shkak të vapës.
“Përpiqem të mos dal jashtë. Nuk mund të bëj ushtrime gjatë ditës. Është disi kufizuese”, tha ai.
Gjatë muajit qershor, rekordi i temperaturës në Sllovaki është thyer në dy raste.
