Kancelarja e Gjermanisë, Angela Merkel ka reaguar pas stuhisë që përfshiu vendin, duke iu marrë jetën dhjetëra personave, ndërsa qindra të tjerë rezultojnë të zhdukur.
Merkel thekson se është e tronditur nga kjo katastrofë natyrore, ndërsa iu shpreh ngushëllime familjarëve të viktimave dhe të të zhdukurve.
“Jam e tronditur nga katastrofa që po vuajnë shumë njerëz në zonat e përmbytura. Ngushëllimet e mia u shkojnë të afërmve të viktimave dhe personave të zhdukur. Falënderoj nga zemra ndihmësit e shumë të palodhur dhe ekipet e shpëtimit”, shprehet Merkel.
Rreth 50 banorë gjithashtu mbeten të bllokuar në çatitë e shtëpive të tyre në pritje të shpëtimit, thanë zyrtarët gjermanë, pasi paralajmëruan që ndërtesat e tjera mund të jenë në prag të shkatërrimit.
