Sipas mediave amerikane, ushtria e Shteteve të Bashkuara kreu sulme në zonën e Ngushticës së Hormuzit.
Axios, duke iu referuar një zyrtari amerikan, raportoi se forcat amerikane ndërmorën sulme ajrore pranë Ngushticës së Hormuzit, në jug të Iranit.
Të lidhura
None found
Nga ana tjetër, mediat iraniane thanë se në shënjestër ishte provinca Hormozgan, si edhe qyteti Shirik.
Sipas raportimeve nga Irani, në qytetin Sirik, në pjesën jugore të vendit, u dëgjua një shpërthim i fortë, ndërsa u sqarua se ende nuk dihet shkaku i tij.
Këto raportime për shpërthimin u publikuan menjëherë pasi Presidenti i SHBA-së, Donald Trump, sinjalizoi se mund të ketë një reagim amerikan ndaj sulmit iranian kundër një anijeje tregtare.
Kur u pyet nëse Teherani do të përballet me pasoja, Trump u përgjigj: “Do ta zbuloni vetë”.
