Ngriti një dron për të bërë “foto panoramike”, arrestohet italiani në Moskë

Një shtetas italian që ngriti një dron është arrestuar në një zonë qendrore të Moskës.

Agjencia ruse e lajmeve Tass raportoi se arrestimi u bë pasditen e së hënës, në parkun Zaryadiye të kryeqytetit rus.

Nuk dihen detajet e personit të arrestuar, i cili sipas mediave ruse punon si anëtar i ekuipazhit të një kompanie ajrore italiane.

Sipas mediave, ai ka deklaruar se “do të bënte vetëm foto panoramike” dhe se “nuk e dinte se kishte një ndalim përkatës”.