Sipas Shërbimit të Bashkimit Europian për Ndryshimet Klimatike, Copernicus, viti 2026 ka gjasa të renditet i dyti ndër vitet më të nxehta të regjistruara, pas vitit 2024, që mban rekordin.
Copernicus paralajmëron se ngrohja globale po përshpejtohet nga veprimtaria njerëzore dhe fenomeni klimatik El Ninjo. Të dhënat e shërbimit tregojnë se ka 20 për qind mundësi që temperaturat e vitit 2026 të barazojnë ose të kalojnë rekordin e vitit 2024.
Të lidhura
None found
Me shumë gjasë, temperaturat globale do të jenë mbi pragun prej 1.5 gradësh Celsius krahasuar me nivelet paraindustriale. Tetori ishte muaji më i nxehtë i regjistruar ndonjëherë: temperatura mesatare globale arriti 1.75 gradë Celsius mbi nivelet paraindustriale. Ai ishte muaji i tretë radhazi mbi pragun prej 1.5 gradësh.
Ekspertët thonë se El Ninjo pritet të forcohet në muajt e ardhshëm, duke shtuar ndikimin e ngrohjes globale. Kjo mund të bëjë që viti 2027 të vendosë një rekord të ri temperaturash.
El Ninjo rrit temperaturat e oqeaneve dhe rrezikun e valëve ekstreme të të nxehtit, thatësirave dhe përmbytjeve.
Ky paralajmërim bëhet ndërsa vendet përgatiten për samitin klimatik të OKB-së, COP31, në Turqi. Në të njëjtën kohë, zjarret masive, përmbytjet dhe valët ekstreme të të nxehtit po ndodhin gjithnjë e më shpesh në botë.
