Kreu i PD-së Lulzim Basha ka çelur zyrtarisht fushatën e zgjedhjeve të pjesshme të 6 marsit në Shkodër, ku ka prezantua kandidatin demokrat, Xhemal Bushatin dhe tha se dy dashni kanë shkodranët; PD dhe Vllazninë
“Shkodra është kryeqendra e kombit sa i takon qytetarisë, vlerave, spirancës së kombit. Vëllezër dhe motra, dy dashni kanë shkodranët; PD dhe Vllazninë. Them se nuk ju njoh pak, por duke u njohur mirë, duke parë se si keni votuar, zgjedhje pas zgjedhjesh, që kur kam qenë fëmijë, mund ta them para jush se askush nuk i rren dot shkodranët. S’i ka rrejt Enver Hoxha për 50 vite dhe askush tjetër me asnjë marifet.”, tha Basha.
Të lidhura
None found
Më tej kreu demokrat tha se nëse doni një bashki që u shërben qytetarëve duhet të votojnë PD-në dhe Xhemal Bushatin
“A doni një shkodër me kryebashkiak të kontrolluar nga Edi Rama dhe Tom Doshi? A doni një kryebashkiak që ka vendos Shkodrën në funskoin të pazareve personale të Edi Ramës dhe Tom Doshit? Jo! Atëherë votoni PD, votoni Xhemal Bushatin. Shkodra është dashni, i duhet një kryebashkiak që ka forcë dhe dejtësi për të luftuar për drejtësi për çdo banor të sShkodrës. Shkodrës i duhet një kryebashkiak jo me dashni për vete por për shkodrën dhe Shkodranët”, tha Basha./albeu.com
