Ditwn e djeshme, vajza e Caroline Crouchs Lidia, e cila u vra nga bashkëshorti i saj, ka marrë zyrtarisht mbiemrin e nënës së saj.
Kështu raportoi për gegonota.news avokati i familjes Crouchs, Thanasis Harmanis. Vajza e vogël ndryshoi mbiemrin e Anagnostopoulos, në atë të nënës së saj.
Të lidhura
None found
Siç dihet, fëmija tashmë jeton në Filipine me gjyshërit e saj.
“Një proces përfundoi dhe ishte e qartë që fëmija do të ndryshonte mbiemrin”, theksoi zoti Harmanis.
Synimi për të ndryshuar mbiemrin nga ai i babait të saj biologjik, nisi në qershor te vitit 2021 kur ai u arrestua në shërbimin përkujtimor të Caroline, pasi u mësua se ai kishte vrarë gruan e tij.
Prindërit e Carolinës jo vetëm që donin që mbesa e tyre të rritej larg Greqisë, por edhe të ndryshonin mbiemrin për të mos e lidhur atë sadopak me të atin, i dënuar për krimin që tronditi Glyka Nera-n.
Kujtojmë se Babis Anagnostopoulos mbyti gruan e tij, Caroline Crouchs, në sy të vajzës së tyre dhe për gjashtë javë mashtroi policinë dhe familjen e saj, duke pretenduar se hajdutët kishin hyrë në shtëpi dhe i kishin vrarë jo vetëm Caroline, por kishin mbytur edhe qenin.
