Dhjetëra të vdekur dhe të plagosur janë bilanci i një aksidenti në Peru, kur një autobus ra nga një shkëmb në rajonin Piura, në veri të Limës.
Policia tha se të paktën 25 persona humbën jetën. Shumë u plagosën dhe u dërguan në spitalet e zonës, në El Alto dhe Mancora, pa mundur të jepet numri i saktë i të plagosurve.
Disa pasagjerë u hodhën nga dritaret dhe të tjerë u bllokuan brenda autobusit.
Autobusi Q’orianka Tours ishte nisur nga Lima dhe po shkonte për në Tumbes në kufi me Ekuadorin. Në një zonë të pabanuar pranë qytetit të Organos, ai doli nga rruga me gati 260 kilometra të mbetura për të kaluar dhe për të arritur në destinacionin e tij. /albeu.com
