Aleati i saj mik me Putinin, por Meloni kritikon hapur presidentin rus: Fjalimi i tij ishte propagandë

Kryeministrja italiane Giorgia Meloni e ka cilësuar fjalimin e Vladimir Putin si “propagandë” pasi ajo mbërriti në Kiev përpara bisedimeve me Volodymyr Zelenskyy.

Ajo hodhi poshtë shanset për të dërguar avionë në Ukrainë, duke e quajtur atë “praktikisht të pamundur” në një intervistë për gazetën La Stampa.

Udhëtimi i Melonit në Kiev vjen një ditë pasi Joe Biden vizitoi kryeqytetin, me liderët perëndimorë që kryqëzohen me njëri-tjetrin gjatë vizitave në Poloni dhe Ukrainë.

Duke komentuar fjalimin e zotit Putin në parlamentin rus, Meloni tha: “Një pjesë e zemrës sime shpresonte për disa fjalë të ndryshme, për një hap përpara. Ishte propagandë.”

Ajo tha se Italia do të jetë me Ukrainën “deri në fund” pavarësisht se partnerët e vegjël në koalicionin e saj mbeten të paqartë për këtë çështje dhe ish-kryeministri Silvio Berlusconi, një mik i vjetër i Putinit, ka fajësuar presidentin Zelenksy për luftën.


Shtuar 21.02.2023 15:07