Aksident në Bulqizë/ Makina humb kontrollin dhe bie në lumë, pamje nga vendi i ngjarjes

Mesditën e sotme, një aksident ka ndodhur në rrugën e Strikçanit në afërsi të Shupenzës.

Sipas njoftimeve paraprake, drejtuesi i mjetit ka humbur kontrollin dhe për pasojë makina ka rënë nga një urë dy metra e lartë në lumë.

Pas ndihmës së dhënë nga kalimtarët shoferi dhe djali i tij, të paidentifikuar, u dërguan në spitalin e Bulqizës dhe janë jashtë rrezikut për jetën.