Presidenti i Serbisë, Aleksandar Vuçiq, i pyetur nëse Serbia, si nënshkruese e Statutit të Romës për themelimin e Gjykatës Ndërkombëtare Penale, do ta arrestonte presidentin e Rusisë Vladimir Putin nëse ai do të vinte në Serbi, tha se kjo ishte një pyetje e kotë, sepse është e qartë se ndërkohë që konfliktet vazhdojnë, Putini nuk ka ku të shkojë.
“Unë nuk i arrestova as ata që kërkoi gjykata ad hoc, e cila nuk është Gjykata Ndërkombëtare Penale”, shtoi Vuçiq.
Ai gjithashtu deklaroi se aktualisht kanë gjëra më të mira për të bërë.
“Përveç nëse Rade Basta mendon ndryshe”, tha Vuçiq, duke aluduar në deklaratën e ministrit të Ekonomisë të Serbisë se vendi duhet të vendosë sanksione ndaj Rusisë.
Gjykata Ndërkombëtare Penale lëshoi një urdhër arresti për Putinin të premten për krime lufte. Siç tha ICC, Putin dyshohet se është përgjegjës për krimin e luftës të dëbimit të paligjshëm dhe transferimit të popullsisë (fëmijëve) nga territoret e okupuara të Ukrainës në Rusi. /albeu.com
