Deputeti i PDK-së, Altin Krasniqi, e ka përshëndetur si nismë të mirë deklaratën e miratuar sot në Kuvend për aktgjykimin e Gjykatës Speciale.
Të lidhura
None found
Megjithatë, ai ka vlerësuar se deklarata nuk përbën veprim konkret nëse nuk votohet ligji për Gjykatën Speciale. Sipas Krasniqit, UÇK-ja mbrohet me vendime konkrete që mbështesin luftën dhe vlerat e saj.
Në postimin e tij, Krasniqi shkroi se deklarata e miratuar në Kuvend është nismë e mirë, por pa votimin e ligjit për Gjykatën Speciale, nuk është ndërmarrë asgjë konkrete.
Ai shtoi se mbrojtja e UÇK-së bëhet përmes veprimeve dhe vendimeve konkrete, që mbrojnë luftën e saj të drejtë dhe vlerat që ajo përfaqëson.
Krasniqi theksoi se qytetarët e Kosovës e dinë dhe e kanë ditur gjithmonë se UÇK-ja zhvilloi luftë të drejtë për lirinë e Kosovës.
