Qendrat kulturore të Institutit Goethe në Rusi do të mbyllen, pasi Gjermania akuzoi Moskën se qëndronte pas një tentative për sulm me dron në aeroportin e Leipzigut.
Të lidhura
None found
Ministri i Jashtëm rus, Sergei Lavrov, njoftoi se masa do të prekë qendrat gjermane që veprojnë në Moskë, Shën Petersburg dhe Jekaterinburg.
Ky reagim pason vendimin e Gjermanisë për të mbyllur një qendër kulturore ruse në Berlin dhe një konsullatë të Rusisë në Bon.
Sipas Lavrovit, pala gjermane e mori me vetëdije këtë vendim, i cili do t’i japë fund pranisë kulturore të Gjermanisë në Rusi. “Ata ndërmorën qëllimisht këtë hap”, deklaroi ai, sipas agjencisë shtetërore ruse të lajmeve TASS.
Instituti Goethe, organizata gjermane e përqendruar te promovimi i kulturës dhe gjuhës, e nisi veprimtarinë në Moskë në vitin 1992, menjëherë pas shpërbërjes së Bashkimit Sovjetik.
Masa për mbylljen e qendrave përbën një tjetër përshkallëzim të raporteve prej kohësh të tensionuara ndërmjet Moskës dhe Berlinit.
