Zyra Kombëtare e Auditimit ka bërë publike rezultatet e auditimit me titull “Siguria e nxënësve në shkollat publike në Kosovë”, i cili përfshin klasat VI-XII dhe periudhën 2022-2025.
Të lidhura
None found
Gjatë tryezës së diskutimit, drejtoresha e Auditimit, Ariana Gjonbalaj, deklaroi se 33% e 771 nxënësve të anketuar në Gjakovë, Ferizaj dhe Prishtinë kanë pohuar se janë përballur me dhunë ose bullizim.
Të dhënat e auditimit tregojnë gjithashtu se 15% e nxënësve të përfshirë në anketë nuk ndihen të lirë t’i raportojnë raste të tilla.
Në këtë tryezë u trajtuan edhe kërkesat që paraqiten më shpesh, mes tyre kontrolli i nxënësve, shtimi i kamerave dhe rojeve, ndërmarrja e masave disiplinore, organizimi i aktiviteteve kundër bullizimit, si dhe rritja e mbështetjes nga mësimdhënësit dhe psikologët.
