Florin Bratu është përqendruar tashmë te sfida me Teutën. Në nisje të sezonit të ri të Superiores, trajneri i ri i Partizanit do të debutojë në një përballje të vështirë, por me energjinë e nevojshme për ta filluar pozitivisht kampionatin.
Pak minuta më parë, tekniku rumun u kujdes të mbante të angazhuar mbështetësit e kuq me një postim në llogarinë e tij në Instagram, ku publikoi momente nga stërvitjet me skuadrën.
Të lidhura
None found
Edhe këtë herë, njësoj si në publikimet e mëparshme, në përshkrim dominon emri “FK Partizani Tirana”, ndërsa Bratu shkruan për FK Partizani Tirana dhe ngjyrat e kuqe.
Prova e parë e vërtetë për Bratun po afron. Përballja me Teutën e Edlir Tetovës pritet të tregojë më qartë punën e kryer gjatë fazës përgatitore. Një rezultat pozitiv në start do t’u jepte një shtysë tjetër të kuqve, të cilët synojnë të lënë pas sezonin e dështuar dhe hyjnë me ambicien për të luftuar për titullin kampion, bindje të cilën trajneri e ka shprehur edhe në prononcimet e mëparshme.
