Një aksident ka ndodhur në hyrje të bypass-it Mbrostar–Levan, pranë rrethrrotullimit të Spitalit Memorial Turk në Fier.
Dy automjete, një betoniere dhe një mjet transporti, janë përplasur me njëri-tjetrin. Përplasja ka bërë që betonierja të dalë nga rruga.
Të lidhura
None found
Si pasojë, njëri prej drejtuesve ka pësuar frakturë në krah. Ai u dërgua me urgjencë në Spitalin Rajonal Fier, ku mori ndihmën e parë mjekësore. Sipas të dhënave paraprake, gjendja e tij nuk paraqet rrezik për jetën.
Pas aksidentit, në vendngjarje mbërriti një patrullë policie, e cila u angazhua me drejtimin e qarkullimit, pasi përplasja krijoi vështirësi në lëvizjen e automjeteve.
Grupi hetimor vijon punën për të përcaktuar shkaqet dhe rrethanat e aksidentit.
