Sipas “The Athletic”, Real Madridi kërkon që Arsenali, Chelsea, Liverpooli, Manchester City, Manchester United dhe Tottenhami të marrin përsipër një pjesë të kostove të lidhura me krijimin e Superligës Evropiane.
Të lidhura
None found
Projekti u prezantua në prill të vitit 2021 nga 12 klube themeluese, por vetëm pak ditë më vonë nëntë prej tyre njoftuan tërheqjen. Mes klubeve që u larguan ishin gjashtë ekipet angleze, si dhe Atletico Madridi, Milani dhe Interi.
Juventusi u shkëput nga iniciativa në vitin 2023. Ndërkohë, në shkurt të vitit 2026, Barcelona dhe Real Madridi iu bashkuan zyrtarisht klubit italian.
Vlera e përgjithshme e shpenzimeve për përgatitjen dhe fushatën promovuese të projektit mund të shkojë deri në 80 milionë euro. Deri tani, këtë faturë po e përballojnë Real Madridi, Barcelona dhe Juventusi.
Megjithatë, klubi spanjoll këmbëngul se gjashtë klubet angleze kanë ende përgjegjësi ligjore për kostot e krijuara në fazat e para të projektit.
Pretendimi i Real Madridit mbështetet te marrëveshja e nënshkruar nga klubet themeluese për pronësinë dhe administrimin e përbashkët të Superligës Evropiane.
Klubet angleze e kundërshtojnë këtë interpretim. Sipas tyre, përgjegjësitë e tyre përfunduan në momentin kur u larguan nga projekti dhe kërkuan falje publikisht për përfshirjen e atëhershme.
