Tri shtetase që kishin hyrë në det me kanoe në zonën e Palasës u shpëtuan pasi përkeqësimi i motit dhe kushtet e vështira detare i vunë në rrezik mbytjeje.
Policia Kufitare dhe Njësia Policore Detare i konstatuan ato gjatë patrullimit në sektorin e Palasës dhe ndërhynë pa humbur kohë. Efektivët u shkuan në ndihmë dhe arritën t’i nxirrnin të sigurta në breg, pa rrezik për jetën.
Të lidhura
None found
Të tria ndodhen në gjendje të mirë shëndetësore. Ato falënderuan punonjësit e Policisë Kufitare dhe të Njësisë Policore Detare për ndihmën dhe reagimin në kohë.
Në njoftimin e saj, Policia Kufitare dhe Njësia Policore Detare u bëjnë thirrje pushuesve dhe përdoruesve të mjeteve lundruese të tregojnë kujdes të shtuar, të vlerësojnë kushtet atmosferike dhe gjendjen e detit, si dhe të mos dalin në det kur rrethanat rrezikojnë sigurinë e tyre.
