Arbnor Muja, i ka dhënë përfundimisht lamtumirën klubit të Samsunspor në Turqi, edhe pse kishte kryer me këtë të fundit fazën përgatitore gjatë verës.
Futbollistin e Kombëtares shqiptare e pret një aventurë “e re” në Belgjikë, në radhët e St. Truidens. Në fakt, ai ishte dhënë në huazim në edicionin e kaluar te skuadra belge dhe u kthye atje në një nga elementët më të rëndësishëm në lojën ofensive të ekipit.
Të lidhura
None found
Kjo shtyu St. Truidens që të vazhdonte negociatat me Samsunspor dhe palët kanë gjetur akordin, duke zyrtarizuar sot transferimin përfundimtar të Mujës në klubin belg.
Ky i fundit, po bëhet gati të luajë në play-off të Ligës së Europës ndaj Omonia për një vend në fazën në grupe të turneut.
