Rreth 60 mijë emigrantë nga Maroku kaluan brenda 24 orëve në enklavën spanjolle të Ceutës, duke e futur Spanjën në krizën më të rëndë migratore të viteve të fundit. Përballë kësaj situate, Italia vendosi të pezullojë marrëveshjen e Shengenit me Madridin.
Të lidhura
None found
Kryeministrja italiane Giorgia Meloni e bëri qeverinë spanjolle përgjegjëse për zhvillimet dhe mbështeti masën e pezullimit. Qëndrimi i Romës ka gjetur përkrahje edhe te disa shtete të tjera anëtare të Bashkimit Evropian, të cilat kërkojnë të zbatohet i njëjti vendim ndaj Spanjës.
Polonia, Finlanda, Suedia, Danimarka, Çekia dhe vende të tjera i kanë bërë thirrje Bashkimit Evropian të shqyrtojë çdo mundësi për përballimin e krizës migratore në Spanjë, përfshirë edhe pezullimin e Shengenit. Këto shtete kanë akuzuar qeverinë e Pedro Sanchez për situatën e krijuar.
Presidentja e Komisionit Evropian, Ursula von der Leyen, reagoi ndaj ngjarjeve duke deklaruar se pamjet nga Ceuta janë të papranueshme.
Ajo theksoi se askush nuk mund të hyjë në Bashkimin Evropian pa respektuar rregullat e tij. Sipas von der Leyen, kalimet e rrezikshme duhet të ndalen menjëherë, emigrantët të kthehen sa më shpejt dhe rrjetet e kontrabandës të çmontohen. Zyrtarja njoftoi gjithashtu se kishte ngarkuar dy komisionerë për të ndihmuar në kontrollin e situatës në Spanjë.
Kancelari gjerman Friedrich Merz dhe presidenti francez Emmanuel Macron shprehën solidaritetin e tyre me Madridin, ndërsa vunë në dukje edhe domosdoshmërinë e rikthimit të kontrollit në kufi.
Ndërsa vendet e Bashkimit Evropian janë ndarë në dy qëndrime për krizën spanjolle, kryeministri Pedro Sanchez iu përgjigj kritikave të atyre që kërkuan pezullimin e Spanjës nga marrëveshja e Shengenit.
“Solidariteti dhe empatia janë opsionale, respekti për traktatet e Bashkimit Evropian jo”, deklaroi Sanchez.
