Policia ka nisur kërkimet për gjetjen e trupit të 13-vjeçares e cila u mbyt teksa lahej me familjen në lumin Buna.
Një ekip polumbarësh po vijon kërkimet rreth zonës ku ndodhi ngjarja si dhe gjatë rrjedhës së këtij lumi.
Ngjarja e rëndë ndodhi pasditen e sotme në afërsi të fshatit Oblikë të Njësisë Administrative Ana e Malit.
Sipas korespondentit të “Panorama.al”, e mitura me inicialet Z.L, ishte duke u larë në lumë me familjarët e saj.
Burimet thanë se papritur, vajza e vogël ka humbur jetën teksa lahej në lumë.
