Një operacion policor i zhvilluar në Shkup ka çuar në arrestimin e dy personave, pas zbulimit të një sasie të konsiderueshme droge. Forcat e rendit gjetën gjatë kontrollit pesë kilogramë marihuanë.
Të lidhura
None found
Sipas njoftimit zyrtar të Ministrisë së Punëve të Brendshme, bastisja u krye në banesën dhe ambientet ndihmëse të S.L., 51 vjeç, pas një urdhri të lëshuar nga Gjykata Themelore Penale e Shkupit. Gjatë këtij aksioni, policia sekuestroi lëndën narkotike dhe një peshore digjitale që përmbante gjurmë marihuane.
MPB-ja bëri të ditur se përveç të dyshuarit kryesor, u ndalua edhe djali i tij B.L., 19 vjeç. Pas përfundimit të hetimeve dhe dokumentimit të plotë të rastit, ndaj tyre do të ngrihet padi penale në procedurë të përshpejtuar, bazuar në nenin 215 të Kodit Penal.
