Demonstruesit kanë bërë të ditur se aksioni i tyre nuk do të ndalet deri në largimin e plotë të kryeministrit Edi Rama nga pushteti. Pasi mbajtën fjalime në sheshin përballë godinës së qeverisë, ku kërkuan me forcë shkarkimin e kreut të ekzekutivit dhe i bënë thirrje Prokurorisë së Posaçme (SPAK) të ushtrojë kontroll mbi veprimtarinë e tij, qytetarët kanë vazhduar marshimin e tyre nëpër arteriet kryesore të kryeqytetit.
Aktiviteti i radhës është paralajmëruar për mëngjesin e së nesërmes, ku organizatorët u kanë bërë thirrje të gjithë mbështetësve të mblidhen në orën 08:30 në sheshin “Skënderbej” dhe prej andej të nisen në një marshim drejt godinës së Kuvendit të Shqipërisë.
Të lidhura
None found
