Të enjten, më 23 korrik 2026, Instituti i Kosovës për Drejtësi (IKD) do të fillojë mbledhjen e nënshkrimeve për një nismë legjislative qytetare që synon ndryshimin dhe plotësimin e Kodit Penal të Kosovës.
Të lidhura
None found
Njoftimi erdhi nga drejtori ekzekutiv i IKD-së, Ehat Miftaraj, i cili përmes rrjeteve sociale ftoi qytetarët të përfshihen në këtë proces.
Aktiviteti do të zhvillohet në sheshin “Nënë Tereza” në Prishtinë, nga ora 10:00 deri në 15:00.
Sipas tij, nisma përqendrohet në dy objektiva kryesore: të vendoset përgjegjësi penale për moszbatimin e vendimeve të Gjykatës Kushtetuese dhe të dënohet përdorimi i fondeve publike për përfitime elektorale gjatë periudhave parazgjedhore dhe zgjedhore.
“IKD ju fton të bëheni pjesë e kësaj nisme,” shkroi Miftaraj, duke nënvizuar rëndësinë e angazhimit qytetar për këto ndryshime në Kodin Penal.
