Ditën e sotme, është ndarë nga jeta aktori dhe humoristi i mirënjohur Todi Llupi, një prej figurave më të dashura të Estradës. Me një karrierë mbi pesë dekada, Todi Llupi, la gjurmë të pashlyeshme në skenën shqiptare përmes roleve të tij plot humor, karaktereve autentike dhe interpretimit mjeshtëror të dialektit myzeqar.
Ai u bë pjesë e Estradës së Fierit në vitin 1971 dhe interpretoi gjithashtu në disa filma artistikë, ndërsa publiku do ta kujtojë gjithmonë për rolet që e bënë një ikonë të humorit shqiptar.
Të lidhura
None found
Llupi mori pjesë në shumë role humoristike në estradë, por edhe komedi në kinema. Ai mbahet mend për rolin e “Dasmës së Malos”, skeç humoristik i Estradës së Fierit dh për rolin te filmi shqiptar “Pesha e kohës”.
Në vitin 1989 u nderua me titullin “Artist i Merituar”, si vlerësim për kontributin e tij të çmuar në art dhe kulturë.
