Qendra për Menaxhimin e Krizave (QMK) bëri të ditur se deri në orën 20:00 të sotme, në mbarë vendin janë evidentuar 14 zjarre në hapësira të hapura. Sipas njoftimit, 12 prej tyre janë shuar, ndërsa dy vazhdojnë të jenë aktivë.
Të lidhura
None found
Vatrat që mbeten ende të paizoluara ndodhen afër stadiumit në Kërçovë, ku po digjen kashtë dhe bar i thatë, si edhe pranë tunelit në rrugën anësore të Manastirit.
Gjatë ditës, zjarret janë lokalizuar dhe shuar në Demir Kapi, Gjorçe Petrov, Qendër (në dy lokacione), Novaci, Prilep, Dibër, Debarcë, Sveti Nikollë, Koçan, Probishtip dhe Kumanovë.
Sipërfaqet dhe objektet e përfshira nga flakët kanë qenë bar i thatë, kashtë, fusha gruri, pyll i degraduar, deponi, mbeturina, si edhe një ndërtesë ndihmëse, dy shtëpi dhe një automjet pasagjerësh.
Nga QMK theksojnë se shërbimet përgjegjëse po vazhdojnë të ndjekin nga afër zhvillimin e situatës dhe të veprojnë në pikat aktive të zjarrit.
