Ministri i Punëve të Brendshme, Pançe Toshkovski, deklaroi sot se po bëhen përgatitje që edhe gjatë valës së hyrje-daljeve në kufi, koha e pritjes të mos zgjasë më shumë se një orë.
Të lidhura
None found
Sipas tij, ndryshe nga vitet e kaluara kur në disa raste qytetarët prisnin deri në katër orë, tani pritja arrin maksimumi deri në një orë.
Toshkovski theksoi se një nga shembujt pozitivë të funksionimit të një pike kufitare është ajo e Tabanocit. Ai u shpreh se është arritur që koha e transitit për qytetarët, e cila më parë shkonte deri në 4 orë pritje, këto ditë të ulet në maksimum në gjysmë ore. Sipas tij, në periudhën e ardhshme, me rritjen e fluksit dhe në ditët më të ngarkuara, pritet që pritja të shkojë deri në 1 orë, por në asnjë mënyrë të mos kthehet në nivelet e viteve të kaluara, kur pritej më shumë se 4 orë. Ai shtoi gjithashtu se numri i udhëtarëve që kalojnë transit në këtë pikë kufitare është rritur për rreth 15 për qind.
