Goran Minçev, ministër i Administratës Publike, deklaroi për “Lokalno” se është e pavërtetë të thuhet se Ministria e Bujqësisë, Pylltarisë dhe Ekonomisë së Ujërave nuk ka peshë, ndërsa shtoi se disa media opozitare kanë tentuar gjatë dhjetë ditëve të fundit ta paraqesin ZNAM-in si humbës.
Të lidhura
None found
Ai theksoi se pretendimet se Ministria e Bujqësisë nuk është një resor i rëndësishëm janë të rreme. Sipas Minçevit, në shtatë deri në dhjetë ditët e fundit, një pjesë e mediave opozitare kanë përhapur narrativën se ZNAM ka dalë humbës nga ky rikonstruksion qeveritar, por, sipas tij, realiteti është krejt ndryshe. Ai nënvizoi se ZNAM është partia e vetme që në këtë rikonstruksion ka marrë një funksion plus dhe se ka pranuar përgjegjësinë për ta zbatuar programin e saj në Ministrinë e Bujqësisë.
Minçev tha gjithashtu se lëvizja ZNAM po merr një rol pozitiv në shalionin e dytë dhe të tretë të qeverisë, ndërsa bisedimet lidhur me këtë çështje do të vijojnë në shtator.
Më tej, ai u shpreh se ZNAM mbetet e qëndrueshme, besnike dhe sjell rezultate në këtë Qeveri. Sipas tij, ministri i ri Borçe Serafimovski, i cili më herët ka qenë Sekretar Shtetëror në Ministrinë e Bujqësisë, do ta konfirmojë këtë dhe do t’ia dëshmojë publikut maqedonas kapacitetet e saj, tha Minçev./Telegrafi/
