Bejxhan Iljazi, deputet i Partisë Demokratike Turke, ka kaluar në shumicën parlamentare në kuadër të procesit të rikonstruimit të Qeverisë, edhe pse në zgjedhjet parlamentare ishte pjesë e Frontit Evropian të drejtuar nga BDI. Si pasojë e këtij vendimi, Fronti Evropian mbetet me një deputet më pak në Kuvend, ndërsa shumica parlamentare e shton mbështetjen e saj.
Lëvizja e Iljazit ndodh në një moment kur po bëhen ndryshime në përbërjen e Qeverisë dhe kur po ridimensionohen raportet politike brenda koalicionit qeverisës.
Të lidhura
None found
Burime politike thonë se ende nuk është bërë zyrtare se çfarë resori apo funksioni do të marrë Bejxhan Iljazi në kuadër të Qeverisë, ndërsa mësohet se hollësitë pritet të publikohen pas mbylljes së procesit të rikonstruimit.
