Në një reagim për zhvillimet e fundit në Lidhjen Demokratike të Kosovës, deputeti i Lëvizjes Vetëvendosje, Mefail Bajqinovci, ka folur për pozitën e kryetarit të kësaj partie, Lumir Abdixhiku.
Përmes një postimi në Facebook, ai u shpreh se thelbi i problemit të Abdixhikut nuk lidhet me mungesën e reklamës, por me mungesën e rezultateve në planin politik.
Të lidhura
None found
“Me sa duket, problemi i Lumirit nuk është mungesa e reklamës, por mungesa e rezultatit. Dhe kur fillon gara për pasardhësin para se të mbarojnë arsyetimet për rezultatin, atëherë mesazhi është i qartë”, ka shkruar ai.
Kjo deklaratë e deputetit të LVV-së vjen në një periudhë kur në LDK po zhvillohen diskutime dhe debate për rezultatin zgjedhor, si edhe për të ardhmen e partisë.
