Pas mbylljes së bashkëpunimit me Elbasanin, të bërë publike nga Isi Manellari ditën e djeshme, e ardhmja e mesfushorit 28-vjeçar duket se do të mbetet sërish në elitën e futbollit shqiptar.
Sipas burimeve të “Newsport.al”, Dinamo ka nisur bisedimet për të afruar Manellarin në skuadër. Futbollisti nuk e sheh me kundërshti këtë lëvizje, ndërsa për t’u finalizuar marrëveshja mbetet vetëm dakordësia përfundimtare.
Të lidhura
None found
Në edicionin e fundit, 28-vjeçari ishte një prej pikave fikse te “verdheblutë”, duke qenë titullar i padiskutueshëm. Ai u aktivizua në 39 ndeshje dhe kontribuoi me dy asistime për ekipin.
Nëse kalimi te Dinamo konkretizohet, për Manellarin do të ishte një rikthim, pasi ka qenë pjesë e ekipit U19 në periudhën 2016-2017. Gjatë karrierës së tij, ai ka luajtur edhe për Partizani B, Iliria, Pogradeci, Tomori dhe Laçi.
