Presidenti amerikan Donald Trump deklaroi se do të shqyrtonte mundësinë për t’u lejuar forcave izraelite të rifillonin ofensivën në Rripin e Gazës, nëse Hamasi nuk respekton angazhimet e marrëveshjes së arritur për armëpushim.
“Izraeli do të kthehet në ato rrugë sapo t’ua them unë,” tha Trump gjatë një bisedë të shkurtër telefonike me televizionin amerikan CNN.
Sipas tij, “nëse Izraeli mund të hyjë dhe t’i godasë, do ta bënte”. Pyetur se çfarë do të ndodhte nëse Hamasi refuzon të çarmatosej, Trump u përgjigj përsëritës: “Nëse Izraeli mund të hyjë dhe t’i thyejë, do ta bënte”.
Trump pranoi se Hamasi nuk ka kthyer ende shumicën e 28 trupave të pengjeve që priteshin, por vlerësoi se lirimi i 20 pengjeve të gjallë ishte “i jashtëzakonshëm” dhe me rëndësi të madhe.
Duke komentuar videot dhe raportet për ekzekutime të personave që Hamasi i akuzon si bashkëpunëtorë të Izraelit, Trump tha se çështja “do të zgjidhet shpejt” dhe se Hamasi “po hyn dhe po pastron bandat, bandat e dhunshme”. Kur gazetari e pyeti nëse personat e qëlluar mund të ishin civilë të pafajshëm, Trump u shpreh: “Po e hetoj… do të mësojmë. Mund të jenë banda dhe të tjera”.
Përsa i përket përpjekjeve të tij për të bindur kryeministrin izraelit Benjamin Netanyahu të pranojë armëpushimin, Trump tha shkurt: “Duhej t’i mbaja nën kontroll… e diskutova me Bibi-n”.
