Jennifer Lopez është e hapur sërish për një lidhje të re dashurie pas ndarjes nga Ben Affleck. Ndërsa ka zëra se edhe aktori 52 vjeçar po kalon shumë kohë më ish-bashkëshorten e tij, Jennifer Garner, gjë që ka ndezur zërat për një ribashkim të mundshëm.
Ylli i muzikës latine, Jennifer Lopez ndihet gati për një kapitull të ri në jetën e saj vetëm dy muaj pas finalizimit të divorcit nga aktori Ben Affleck.
Mediet rozë referohen një burimi të afërm pranë këngëtarës që kanë thënë se “Jennifer është gati të takohet sërish dhe nuk ka reshtur së kërkuari dashurinë”, tha një person nga rrethi i saj shoqëror për median.
Ajo thuhet se po mendon të takohet me dikë jashtë showbiz-it. “Ajo po mendon të takojë dikë jashtë syve të publikut, por nuk po i vë asnjë kufi vetes”, vijon më tej burimi.
Divorci i këngëtares 55-vjeçare u finalizua më 6 Janar. Megjithatë, vendimi zyrtar hyri në fuqi më 21 Shkurt, gjashtë muaj pas kërkesës fillestare të divorcit të Jennifer Lopez, në ditën e përvjetorit të tyre të dytë të martesës.
Teksa ajo duket se po e lë pas të kaluarën, Ben Affleck duket se po bën të kundërtën dhe po i kthehet asaj.
Sipas të njëjtit person nga ambienti i dy yjeve, aktori 52-vjeçar po kalon më shumë kohë me ish-bashkëshorten e tij, Jennifer Garner, gjë që ka ndezur zërat për një ribashkim të mundshëm.
