Aksident në aksin Korçë-Pogradec, makina përplas këmbësoren, transportohet në spital (FOTO)

Një aksident ka ndodhur në aksin Korçë-Pogradec.

Ngjarja ndodhi rreth orës 20:00, ku automjeti tip “Benz”, me drejtues shtetasin G. M., 44 vjeç, ka përplasur këmbësoren, shtetasen E. B., 53 vjeçe, e cila është transportuar në spital dhe është në kujdesin e mjekëve.

Drejtuesi i automjetit është shoqëruar në Komisariatin e Policisë Pogradec, për kryerjen e veprimeve të mëtejshme procedurale.

Ndërkaq, grupi hetimor është në vendngjarje, ku vijon punën për të përcaktuar shkakun e aksidentit.