Aksident i rëndë në aksin Levan-Fier, makinat përplasen “kokë më kokë”

Një aksident rrugor ka ndodhur sot në segmentin Levan-Fier, ku dy automjete, një Audi dhe një Mercedes Benz, janë përplasur “kokë më kokë”.

Si pasojë e përplasjes, dy persona kanë pësuar lëndime dhe janë transportuar në spitalin e Fierit për trajtim mjekësor. Ende nuk është përcaktuar shkaku i saktë i aksidentit, por dyshohet se shkak është bërë shpejtësia e lartë.

Sakaq, policia dhe grupi hetimor janë në vendngjarje për të hetuar rrethanat e aksidentit.