Siguria gjatë vizitës së Zelenskyt në Tiranë ka qënë në nivelet maksimale. Por gjatë kësaj kohe u zbulua edhe një detaj tjetër interesant sa i përket sigurisë së tij.
Prej 24 Shkurtit të vitit 2022, kur nisi edhe lufta ai ka mbrojtje speciale, shefi i sigurimit të tij është Maksym Donets, 44 vjeç.
Ky person mund qëndron 24 orë pranë tij. Ai është shok fëmijërie me Zelensky-n pasi janë rritur të dy në Kryvyi Rih.
I diplomuar për ekonomi, por më vonë për siguri fizike, Donets tashmë merret me ruajtjen e Presidentit të vendit të tij. Ai ishte i pranishëm edhe në Tiranë teksa shoqëronte Zelensky-n.
Për ruajtjen e Zelensky-t kujdeset një skuadër e tërë elitë e Ukrainës. Në arsenalin e sigurisë së tij është përfshirë edhe një dhuratë nga SHBA-ja, një sistem i sofisitikuar i pajisjeve të komunikimeve.
Ai mund të komunikojë në çdo vend, çdo cep ku ndodhet, në çdo moment përmes një sistemi tejet të sigurt.
