Shkaku i ngordhjes masive misterioze të elefantëve afrikanë më në fund është zbuluar. Shkencëtarët që kanë shkruar një raport të ri thonë se shpërthimet mund të kenë më shumë gjasa të ndodhin në kushtet e krijuara nga kriza e vazhdueshme klimatike.
Tridhjetë e pesë elefantë afrikanë në Zimbabve veriperëndimore ngordhën në rrethana të pashpjegueshme në 2020. Më herët po atë vit, rreth 350 elefantë në Botsvanën veriore fqinje gjithashtu ngordhën papritur gjatë tre muajve.
Nga studimi rezultoi se një infeksion bakterial vrau elefantët, sipas hulumtimit të bazuar në mostrat e marra nga 15 prej kafshëve që ngordhën në Zimbabve. Një analizë, e botuar më 25 tetor në revistën Nature Communications, tregoi prova të infeksionit nga një bakter pak i njohur i quajtur takson 45 Bisgaard që shkaktoi septicemi ose helmim gjaku. Elefanti afrikan është një specie kryesore që përballet me presion të konsiderueshëm nga gjuetia pa leje dhe humbja e habitatit.
